2 ნოემბერს რადიო „ფორტუნას“ ასტროლოგიურ გადაცემაში „შაბათის შუადღე მიხეილ ცაგარელთან ერთად“, ავტორმა და წამყვანმა ბატონმა მიხეილმა სუ ჯოკ თერაპევტს, ბატონ ტარიელ ბიბილურს უმასპინძლა და სწორედ მასთან ერთად ისაუბრა მკურნალობის მეტად საინტერესო მეთოდზე.
სუ ჯოკ თერაპია, იგივე აკუპუნქტურა – ნემსის ჩხვლეტის სამხრეთ კორეული სამედიცინო სისტემაა, რომელიც მედიკამენტების გარეშე იძლევა ორგანიზმის გაჯანსაღების საშუალებას. აღსანიშნავია, რომ ნემსის ჩხვლეტა ხელის გულზე და ყურის ნიჟარაზე ხორციელდება, რადგან ორგანიზმის მერიდიანული სისტემის წყალობით, შინაგანი ორგანოების მგრძნობიარე წერტილები მეტწილად სწორედ კიდურებზე და თავზეა მოთავსებული.