ორვე ნიშანს მფარველობს მერკური, რომლისგანაც მათ ცხოვრებისადმი გონივრული მიდგომა აქვთ ბოძებული. თუმცა ეს ერთადერთი საერთო თვისებაა, რაც მათ გააჩნიათ. ქალწულს ტყუპები მიაჩნია უგუნურ და მოკლე ჭკუის ადამიანად, ხოლო ტყუპები ქალწულს ძალიან მიწაზე დაშვებულ და უინტერესო ადამიანად თვლიან. ქალწულის ანალიტიკური მიდგომა ტყუპებისთვის ცივსისხლიანობის ტოლფასია. ქალწულისთვის ტყუპების მიდრეკილება ფუფუნებისა და გართობისკენ სხვა არაფერია, თუ არა ზედაპირულობა და დროის უაზროდ ფლანგვა. ამიტომ, მათ შორის გაჩენილი ვნება მალე ქრება, სექსუალური ცხოვრება თითქოს იყინება. მათი დაშორება გარდაუვალია.
ქალწული მიიჩნევს, რომ ტყუპები არასტაბილური საყვარელია. ქალწული სექსში თავდაჭერილი, კლასიკური სტილის მომხრეა, ტყუპები კი არასტაბილური და მომენტალურად ფეთქებადი. როცა პირველი ვნების ქარიშხალი გადაივლის, ქალწული კრიტიკული კომენტარებით აავსებს ტყუპებს. მათი ურთიერთდამოკიდებულება ნეგატივს უფრო მოიცავს, ვიდრე პოზიტივს, ამიტომ ეს კავშირი ხანგრძლივი დროისთვის ნამდვილად არ არის.
