როგორები არიან წყლის ნიშნები ბავშვობაში?

 (თევზი, მორიელი, კირჩხიბი) ისინი საოცრად ემოციურები არიან, მშობლებს მათ განვითარებაში დიდი როლი აკისრიათ, არ არიან სხვა ნიშნებივით ინდივიდუალიზმით გამორჩეულები, მათ საყრდენი სჭირდებათ, ვინც რეალურ სამყაროს გააცნობს, ასწავლის ყველაფერს და დაიცავს გარემოს მავნე ზემოქმედებისაგან.

გარდატეხის ასაკში არის შემთხვევები, როდესაც საოცრად გახსნილი პიროვნებიდან, საოცრად ჩაკეტილ პიროვნებად გარდაიქმნებიან. ისინი ინტროვერტები არიან, უჭირთ თამამად პოზიციის დაფიქსირება, აგრესიას ვერ იტანენ და ხშირად ტირიან, ბევრს წუწუნებენ და მუდამ ითხოვენ სითბოს და სიყვარულს.

თვითონაც საოცრად მოსიყვარულეები არიან, უხვად გასცემენ ემოციებს, მშობლებთან განსაკუთრებით. ჩათვალეთ, რომ მათი სახით სახლში ყველაზე სათუთი არსება გყავთ, რომელსაც შეიძლება ნებისმიერი რამ ეწყინოს და თვითონაც ვერ გაიგოს რა სწყინს. უბრალოდ მოეფერეთ და დაამშვიდეთ ისინი.