ფსიქოლოგები აქტიურად საუბრობენ იმაზე, თუ როდის არის საჭირო შინაგან ხმას რომ ყურადღებით მოუსმინოთ.
ფსიქოლოგიაში ითვლება, რომ ჩვენი ქვეცნობიერი მუშაობს ასე - ინფორმაცია დიდი ხანია არაცნობიერი გზით გადამუშავებული და დაარქივებულია და სწორედ ამ ე.წ. გონებრივი საცავიდან ვიღებთ მინიშნებებს იმის თაობაზე, თუ როგორ ვიმოქმედოთ. ამას ეწოდება ინტუიცია. თუმცა, ხშირად, ლოგიკა (ცნობიერება) ცდილობს მასთან შეწინააღმდეგებას, მაგრამ ქმედება დამოკიდებულია იმაზე, თუ რომელი მხარე უფრო ძლიერია პიროვნებაში.
ამ სტატიაში შევეცდებით თქვენთან ერთად გავერკვეთ თუ რა სიტუაციებშია საჭირო შინაგანი ხმის მოსმენა და ინტუიციის მინდობა.
1. როცა საჭიროა გადაწყვეტილების სწრაფად მიღება და ამაზე ბევრი რამ არის დამოკიდებული.
კრიტიკულ სიტუაციებში, ყველაზე მართებული გადაწყვეტილებები სწორედ ქვეცნობიერის სიღრმეებიდან მოდის - ცნობიერებას სჭირდება დრო იმისათვის, რომ ინფორმაცია გადაამუშაოს. სწორედ ამიტომ ხდება, რომ საშინელი სიტუაციების შემდეგ ადამიანები ხშირად ამბობენ: «მე ზუსტად ვიცოდი რა უნდა გამეკეთებინა».
2. როცა განიცდით ე.წ. დეჟა ვიუ-ს და გრძნობთ, რომ ასე უკვე იყო ან ზუსტად იცით როგორ განვითარდება მოვლენები.
ასთ დროს არ დაეყრდნოთ მოვლენების განვითარებას. დაეყრდენით წარსულ გამოცდილებას. დიდი ალბათობით, ქვეცნობიერი გიგზავნით სიგნალს და ის არ უნდა გაუშვათ ხელიდან.
3. როცა დისკომფორტს განიცდით, ინტიუციურად გიჩნდებათ სივრცის, ადგილის, შეხვედრის დატოვების სურვილი, გაურკვეველი მიზეზების გამო.
სჯობს ამ დროს ინტუიციას ენდოთ. სრულიად შესაძლებელია, რომ მართლა გელოდეთ უსიამოვნება. განსაკუთრებით ყურადღებით უნდა იყოთ სიგნალებთან, რომლებიც სხეულიდან მოგდით - დაყოვნება გინდებათ, დაჯდომა და დალოდება, რაღაც გრჩებათ სახლში - ასე არაცნობიერად ჩვენ ვცდილობთ შევაკავოთ საკუთარი თავი და არ გავუშვათ იქ, სადაც ცუდად ან დისჰარმონიულად ვიქნებით.
