pixel
ბლოგი

იცით რას ნიშნავს „ოქროს წუთი“ - ანუ სურვილების ასრულების დრო?

იცით რას ნიშნავს „ოქროს წუთი“ - ანუ სურვილების ასრულების დრო?

ფეისბუქზე გაზიარება

ამ წუთს შეუძლია აგისრულოთ ყველა სურვილი, თუკი სწორად გამოიყენებთ მას.

შეიძლება აქამდე არც კი გსმენიათ, მაგრამ დღე-ღამეში არის დრო, როცა კავშირი თქვენს ცნობიერებასა და მისი წარმოშობის წყაროსთან - სამყაროსთან, ფაქტიურად განუყოფელია. მაგრამ, უნდა გაითვალისწინოთ, რომ ეს დრო გრძელდება მხოლოდ ერთი წუთის განმავლობაში და ხშირად ადამიანები მას უშედეგოდ კარგავენ.

 

„ოქროს წუთი“-ს პერიოდში ადამიანის ეგო მიძინებულია და მას მხოლოდ ბედნიერების განცდა შეუძლია, რადგან მისი ცნობიერება პოზიტიურად იღებს ყველა სიგნალს, რომელსაც მას ცნობიერების წყარო აწვდის. წუთის ეს გაელვება მოიცავს თქვენს გონებას და სხეულს ნებისმიერ მდგომარეობაში, მნიშვნელობა არ აქვს გღვიძავთ, თუ გძინავთ. ამ მომენტში თქვენი გული და ცნობიერება პირდაპირ კონტაქტს ამყარებენ უმაღლეს ძალებთან.

 

გარკვეულწილად, ამ მომენტს შეუძლია მოგცეთ ყველაფერი, რაზეც კი ოდესმე გიოცნებიათ, მხოლოდ იმ შემთხვევაში, თუკი მისი მოქმედების ძალას სწორად გამოიყენებთ.

უფრო რომ დავაზუსტოთ, „ოქროს წუთი“ - ეს არის დროის ის მონაკვეთი, როცა თქვენი მფარველი ანგელოზი იღებს მოქმედების სრულ თავისუფლებას. ასტროლოგების უმრავლესობა თვლის, რომ მიზიდულობის კანონი მჭიდრო კავშირშია დროის ამ უცნაურ მონაკვეთთან და თუ ამ 60 წამის განმავლობაში ყოველდღიურად დაამყარებთ კავშირს სამყაროსთან და სთხოვთ რამეს - ის აუცილებლად გაიგებს და აგისრულებთ.

 

რაც უფრო ხშირად და მეტად იაქტიურებთ დროის ამ მონაკვეთში, მით უფრო მეტად მიაწვდენთ ხმას ზებუნებრივ ძალებს და მით მეტი ცვლილებები მოხდება თქვენს ცხოვრებაში. შეიგრძნობთ განახლებულ ენერგიას და მნიშვნელოვან ცვლილებებს შეამჩნევთ საკუთარ ემოციურ მდგომარეობაშიც. რაც უფრო გაცნობიერებული და კონცენტრირებული იქნებით დროის ამ პერიოდში, მით უფრო მყარი კავშირი დამყარდება თქვენსა და სამყაროს შორის.

 

საკუთარი „ოქროს წუთი“-ს გაგება, გარკვეულ გამოთვლას საჭიროებს. მაგალითად, თუ სურვილს თვის 1-დან 24 რიცხვამდე ჩაიფიქრებთ, საჭიროა საფუძვლად აიღოთ თვის ნომერი და დღე, ანუ, თუ თქვენ გინდათ, რომ სურვილი 21 იანვარს ჩაიფიქროთ (21.01), ამის გაკეთება შეგიძლიათ 21:01 საათზე - სწორედ ამ პერიოდში იქნება თქვენი „ოქროს წუთი“.

 

25-დან 31 რიცხვის ჩათვლით სურვილის ჩასაფიქრებლად, წესები ცოტა სხვაგვარად მუშაობს. მაგალითად, თუ თქვენ გსრუთ სურვილის ჩაფიქრება  31 ოქტომბერს (31.10), დროის მონაცემებიდან გამომდინარე, საჭიროა ციფრების კომბინაცია შეატრიალოთ და გამოდის, რომ თქვენი „ოქროს წუთი“ თვის ამ რიცხვში 10:31 საათზე დადგება.

 

შეძლებისდაგვარად შეეცადეთ, რომ ამ დროს კარგად დაფიქრდეთ თქვენსა და სამყაროს კავშირზე. საკუთარ გულს შეახსენეთ, რომ ის, რის ჩაფიქრებასაც აპირებთ, თქვენთვის მართლა ძალიან მნიშვნელოვანია. შეგიძლით ასევე დაწეროთ საკუთარი სურვილი, რომლის თქმაც სამყაროსთვის გსურთ. კარგ ეფექტს იძლევა ასევე მოდუნება და მედიტირება, ოღონდ ამ ყველაფერს საკუთარი თავისთვის ყოველგვარი ძალდატანების გარეშე უნდა აკეთებდეთ.

 

„ოქროს წუთი“-ს დადგომის სრულად გაცნობიერება და მასზე სრული კონცენტრირება, საკმარისია იმისათვის, რომ საკუთარ ცხოვრებაში გარდატეხას და ცვლილებებს ჩაუყაროთ საფუძველი. თუ ისწავლით და შეძლებთ თქვენს გარშემო არსებული ენერგეტიკულ ველებთან მჭიდრო კონტაქტის დამყარებას, დროის ამ სასწაულმოქმედ მონაკვეთს შეუძლია სრულიად შეცვალოს თქვენი ცხოვრება.

 

ამბობენ, რომ ყველაფერი, რასაც ამ 60 წამის მანძილზე ჩაიფიქრებთ და თხოვთ სამყაროს, აუცილებლად ასრულდება! - ამიტომ, სიფრთხილე გამოიჩინეთ საკუთარ სურვილებთან და სანამ სიგნალს გაუშვებთ სამყაროში, კარგად გაიაზრეთ რა გინდათ.

 

 

ფეისბუქზე გაზიარება
სხვა სტატიები
თხის რქების განსაკუთრებულობის 8 ნიშანი
კატების საიდუმლო ძალა: როგორ გრძნობენ ისინი ადამიანების ავადმყოფობას და ცდილობენ ამის გაფრთხილებას
ყველაზე იღბლიანი ზოდიაქოს ნიშნები 2021 წელს: ვის გაუმართლებს სიყვარულსა და ფინანსებში
კანონი სამის შესახებ: მიიღეთ იმაზე სამჯერ მეტი, ვიდრე გასცემთ
2021 წლის საუკეთესო თვე თითოეული ზოდიაქოს ნიშნისთვის
რა ვაჩუქოთ კირჩხიბს
როგორ გაიგოთ, რომ ეს არის თქვენი ცხოვრების სიყვარული: გადაწყვეტილება თქვენს დაბადებამდე ბევრად ადრე იყო მიღებული
ნეგატივთან გამკლავების 5 საუკეთესო საშუალება
ზოგჯერ, რაიმეს დასანახად, საჭიროა თვალების დახუჭვა
სუპერძალა, რომელიც ვარსკვლავებმა უბოძეს თითოეულ ზოდიაქოს ნიშანს
ყველაზე ცუდი ქმრები ზოდიაქოს ნიშნებს შორის
როგორი მხარჯველები არიან ზოდიაქოს ნიშნები?
აფრიკული ჰოროსკოპი - ყველაზე ზუსტი საშუალებაა მომავლის განჭვრეტისთვის
10 მიზეზი თუ რატომ უნდა გიყვარდეს ქალწული
ერთგულების რეიტინგი ზოდიაქოს ნიშნების მიხედვით