ბლოგი

არ ღირს საკუთარი გულის გახსნა იმ ადამიანისთვის, ვინც თქვენთვის არ იბრძოლებს

არ ღირს საკუთარი გულის გახსნა იმ ადამიანისთვის, ვინც თქვენთვის არ იბრძოლებს

ფეისბუქზე გაზიარება

იცოდეთ, რომ ურთიერთობებში საკუთარი თავის პირველ ადგილზე დაყენება არის საჭირო და ეს ნორმალური მოვლენაა.

ამ სიტუაციაში ალბათ ყვლა ჩვენგანი აღმოჩენილა. ყველა შევხვედრივართ ადამიანს, რომელსაც ვთვლიდით ჩვენი დროის, ზრუნვისა და სიყვარულის ღირსად, თუმცა ბოლოს აღმოგვიჩენია, რომ ვცდებოდით. ყველა ჩვენგანს ჰქონია სიტუაცია, როცა ის, ვინც გვსურდა, გვიყვარდა, ვისზეც ვზრუნავდით, არ იჩენდა ანალოგიურ მიდგომას ჩვენს მიმართ. უფრო მეტიც, ვხედავდით მის გულგრილობას, რაც ყველაზე მეტად გვტკენდა გულს.

ურთიერთობა კონფლიქტის გარეშე არ არსებობს, ისევე, როგორც არ არსებობს ბოლომდე იდეალური ურთიერთობა. ყველა ურთიერთობას აქვს თავისი პრობლემები. ყველაზე სწორი ურთიერთობა არის ის, რომელშიც პარტნიორები ცდილობენ პრობლემებთან ერთად გამკლავებას, გრძნობენ პასუხისმგებლობას და ურთიერთშეთანხმების საფუძველზე იღებენ გადაწყვეტილებებს.

თუ თქვენი პარტნიორი გაურბის საუბარს კონფლიქტის გაჩენისას, თუ ცდილობს თქვენ ან გარე ფაქტორებს დააბრალოს უთანხმოება, საჭიროა გააცნობიეროთ, რომ ის არასოდეს იბრძოლებს თქვენთვის, რადგან მას საკუთარი თავის დაცვის უნარიც კი არ აქვს. და საერთოდ, როგორ შეიძლება ასეთი ადამიანის მიმართ პატივისცემა გქონდეთ?

ზოგიერთი ადამიანი გაცნობიერებულად ირჩევს მსხვერპლის როლს და მენტალიტეტს და ამას ოსტატურადაც იყენებს რიგ შემთხვევებში. ისინი ძალიან სუსტები არიან იმისათვის, რომ სირთულეებს გაუმკლავდნენ, პრობლემებს თვალი გაუსწორონ და გამოსავალი მოძებნონ. მათ შეიძლება აღიარონ, რომ ძალიან ნანობენ თქვენთან ცუდად მოქცევას, თუმცა, არაფერს გააკეთებენ იმისათვის, რომ შეცდომა გამოასწორონ. შეეცადეთ მსგავსი ადამიანებისგან თავი შორს დაიჭიროთ.

ადრე თუ გვიან, ყველა ჩვენგანი იძულებული ხდება განსაზღვროს, რას აფასებს რეალურად პარტნიორში და ურთიერთობაში. არ უნდა დაგვავიწყდეს, რომ ნებისმიერ სიტუაციაში, თითოეული ჩვენგანი იმსახურებს პარტნიორისგან დაფასებას და შესაბამის საპასუხო რეაქციას. პრობლემებისა და უთანხმოების მიუხედავად, თუ ადამიანებს უყვართ ერთმანეთი, ისინი ყოველთვის შეძლებენ ვითარებასთან გამკლავებას, გამოსავალის მოძებნას და ურთიერთშეთანხმების საფუძველზე გადაწყვეტილების მიღებას.

იცოდეთ, რომ ურთიერთობებში სრულიად ნორმალურია საკუთარი თავის წინ წამოწევა. თუმცა, ეს არ ნიშნავს, რომ აუცილებლად ეგოისტი უნდა იყოთ. მთავარია, სიტუაციას გაუმკლავდეთ ერთობლივი ძალებით, გააანალიზოთ ვითარება და მიიღოთ ობიექტური გადაწყვეტილებები კონფლიქტის მოსაგვარებლად. ამ გზით, თქვენ შეძლებთ გამოხატოთ ურთიერთპატივისცემა, ზრუნვა, დაფასება და სიყვარული.

როცა გადაწყვეტთ ადამიანს გული გაუხსნათ, კარგად მიმოიხედეთ, თვალი ადევნეთ ვითარებას და არასოდეს დაგავიწყდეთ: თქვენ იმსახურებთ იმას, რომ თქვენთვის იბძოლონ. თუ პარტნიორი თქვენს დასაცავად არაფერს აკეთებს და არ იბრძვის თქვენთვის, ნუ დაგწყდებათ გული, რადგან ის რეალურად საკუთარი თავის დამცველიც კი არ არის და ვერც ვერასოდეს შეძლებს ასე მოქცევას.

 

 

ფეისბუქზე გაზიარება
სხვა სტატიები
ზოდიაქოს ეს 3 ნიშანი ყველაზე გონებამახვილი ადამიანები არიან
10 მიზეზი თუ რატომ უნდა გიყვარდეს თხის რქა
ცოტა რამ ტიპიურ ვერძებზე
12 კარმული კანონი, რომელიც მართავს ჩვენს ცხოვრებას
ზოდიაქოს ყველაზე ძლიერი და შეუპოვარი ქალების რეიტინგი
განსხვავებული ზოდიაქოს ნიშნები, რომლებსაც ერთმანეთის მიმართ დიდი მიზიდულობა აქვთ
თევზების ქვები
ზოდიაქოს ყველაზე მერკანტილური ნიშნები
ზოდიაქოს რომელ ნიშნებს არ უმართლებთ ცხოვრებაში და რატომ?
10 ნიშანი იმისა, რომ კარმულ ურთიერთობებში გაეხვიეთ
კვირის პოზიტიური და ნეგატიური დღეები ფულის გასესხება-სესხებისთვის
გააუმჯობესეთ თქვენი ონლაინ თამაშების გამოცდილება ასტროლოგიით
ზოდიაქოს ნიშანი სასწორი: საინტერესო ფაქტები მამაკაცების და ქალების შესახებ
რა გვაძლევს რეალურად გამდიდრების საშუალებას?
ეს 4 ზოდიაქოს ნიშანი შესანიშნავია სიყვარულში