ფინანსური ჰოროსკოპი
კირჩხიბებს კვირის პირველ ნახევარში, ვარსკვლავები ურჩევენ, რომ იმოქმედონ მშვიდად, თანმიმდევრულად და კონცენტრირდნენ მიმდინარე საქმეებზე. ასეთი მიდგომა დაგეხმარებათ ფინანსური საკითხების მარტივად მოგვარებასა და საქმიანობის პრობლემურ ნაწილთან სწრაფად გამკლავებაში. შემოსავლის გაზრდა შესაძლებელი იქნება დამატებითი სამუშაო შესრულებით ან ნახევარ განაკვეთზე მუშაობით. დატვირთული და ნაყოფიერი პერიოდი ელით მომსახურების სფეროს წარმომადგენლებს. შედეგიანად ჩაივლის ეს კვირა მათთვის, ვინც დასაქმებულია სამშენებლო-სარემონტო სფეროში. გაიზრდება კერძო შეკვეთების რაოდენობა და შესაბამისად, შესრულებული სამუშაოდან მიღებული შემოსავალი. დამსაქმებელმა, შესაძლოა, მიმდინარე კვირაში ჩაგირიცხოთ დაგროვილი ბონუსი ან მიიღოს გადაწყვეტილება სატრასპორტო და კვების ხარჯების ანაზღაურებასთან დაკავშირებით. რაც შეეხება კვირის მეორე ნახევარს, ის განსაკუთრებით რთული იქნება ბიზნესმენებისთვის და საქმიანობას არასტაბილურს გახდის. ამ პერიოდში სჯობს არ იჩქაროთ ახალ საინვესტიციო პროექტებთან დაკავშირებით გადაწყვეტილებების მიღება. კარგად გადაამოწმეთ ფინანსური ანგარიშები, გადარიცხვების დეტალები, შემოსული ინფორმაცია და თანამშრომლობასთან დაკავშირებით მიღებული შემოთავაზებები და მხოლოდ ამის შემდეგ გააკეთეთ დასკვნები. პრიორიტეტი მიანიჭეთ ისეთ ამოცანებს, რომელთა შედეგებიც ყველაზე მეტად პროგნოზირებადია.
