ზოდიაქოს ნიშნების ყველაზე ძლიერი მხარეები

ყველა ჩვენგანს აქვს ძლიერი მხარეები, რომლებიც სხვებისგან გამოგვარჩევს.

მოდი ერთად გავარკვიოთ, ვინ რაში ვართ უნიკალური! 

ვერძი

ზოდიაქოს ამ ნიშნის ქვეშ დაბადებულები დროულად წყვეტენ დახურული კარის მტვრევას. რამდენადაც მათ შეუძლიათ სრული კონტროლი იქონიონ საკუთარ ცხოვრებაზე და ცხოვრებისეულ გარემოებებზე, ისინი პირველები იქნებიან, ვინც შეტრიალდებიან და წავლენ, როგორც კი დაინახავენ, რომ გაგრძელება მიმდინარე ვითარების მიხედვით შეუძლებელია. მაშინაც კი, თუ ჩვეულ სიტუაციაზე უარის თქმა მტკივნეულია, ისინი წყვეტენ ყველა კავშირს და მიდიან, თუკი ამას საჭიროდ თვლიან. ვერძები ყველაზე პირველები ტოვებენ წარუმატებელ სამსახურს, თავს ანებებენ მოწევას, როცა ხვდებიან თუ რამდენი ფული და ჯანმრთელობა მიაქვს ამ მავნე ჩვევას, ან შორდებიან ტოქსიკურ ადამიანებს.

კურო

ამ ნიშნის წარმოამადგენლების ძლიერი მხარე მდგომარეობს იმაში, რომ მათ შეუძლიათ ბოლომდე შეინარჩუნონ საღი აზრი და დარჩნენ რაციონალურები, ყველაზე რთულ სიტუაციებშიც კი. როცა სხვებმა არც კი იციან რა ელით და ეს ძალიან აშინებთ, კუროებს ყოველთვის აქვთ მოვლენების მოსალოდნელი განვითარების რამოდენიმე, წინასწარ გათვლილი სცენარი და ყოველი მათგანისთვის მზად არიან. რაციონალურ და ლოგიკურ აზროვნებას ისინი იყენებენ იმისათვის, რომ საკუთარი ენერგია მიმართონ არა პანიკაზე, არამედ დაგეგმვასა და მომზადებაზე. 

ტყუპები

ამ ნიშნის ქვეშ დაბადებული ადამიანები კონფლიქტურ სიტუაციებს ყველაზე უკეთ უმკლავდებიან. კამათს და დაშორებას ისინი აღიქვამენ არა როგორც დაგროვილი აგრესიის სხვისკენ მიმართვის საშუალებას, არამედ სადავო საკითხების დაზუსტებისა და კომპრომისამდე მისვლის საშუალებას. მიუხედავად იმისა, რომ ტყუპებს საკმაოდ ოსტატურად შეუძლიათ საკუთარი აზრის თავს მოხვევა, ისინი ამას იშვიათად აკეთებენ, რადგან ამჯობინებენ მოუსმინონ მეორე მხარესაც და ამ გზით, ყველასთვის მისაღები გადაწყვეტილების მიღება შეძლონ. 

კიბო

ზოდიაქოს ამ ნიშნის ქვეშ დაბადებულებს საუკეთესოდ შეუძლიათ თავის წარმოჩენა, როცა მათი ახლობლები ავად ხდებიან. ისინი ყურადღებიანი, მზრუნველი და შესანიშნავი ემპათები არიან - ერთი სიტყვით, ზუსტად ის ადამიანები არიან, რომელთა გვერდით ყოფნას ყველა ნატრობს სისუსტისა და მოწყვლადობის პერიოდში. კიბოებს უდიდესი ნებისყოფა, სიმშვიდის შენარჩუნების და საყვარელ ადამიანებზე ზრუნვის უნარი გააჩნიათ მაშინაც კი, როცა სხვები ნებდებიან. ეს ადამიანები, ნამდვილი საყრდენია ახლობლებისთვის.

ლომი

ლომებს შეუძლიათ გამოსავალი იპოვონ ყველაზე რთულ სიტუაციებშიც კი. ამ თვისების გამო, ისინი რთულ სიტუაციებში ყველაზე სასურველი ადამიანები არიან. ლომები იშვიათად ვარდებიან სასოწარკვეთაში, მათი რეალური ძალა მდგომარეობს არსებული პრობლემებისთვის ახალი გადაწყვეტების პოვნის უნარში, ოპტიმიზმსა და შეუპოვრობაში. ლომების დევიზია «ნება იყოს, თორემ გზა ყოველთვის მოიძებნება».

ქალწული

ამ ნიშნის წარმომადგენლები - რთული და კრიტიკული სიტუაციების მოგვარების ოსტატები არიან, განსაკუთრებით თუ საქმე ახლობელ ადამიანებს ეხება. მათი შინაგანი ძალა, მკაფიოდ გამოიხატება გარეგნულ სიმშვიდეში: მაშინ, როცა სხვები გარშემო დარბიან და არ იციან რას ჩაეჭიდონ, რა გააკეთონ, ქალწულები აიგნორებენ ყველაფერს გარშემო და კონცენტრაციას აკეთებენ მხოლოდ პრობლემაზე. თუ რთულ სიტუაციში გვედით ქალწული გყავთ - ნუ გეშინიათ, დაივიწყეთ ყველაფერი, ეს ადამიანი იზრუნებს იმაზე, რომ საკითხი სრულად მოაგვაროს. 

სასწორი

სასწორები ბრწინვალედ უმკლავდებიან ნებისმიერ სოციალურ ურთიერთქმედებასა და უსიამოვნო სიტუაციებს. ის სიმსუბუქე, რომლის გამოყენებითაც ახალ კავშირებს ამყარებენ, საერთო თემებს პოულობენ და განხეთქილებებს ახშობენ - სწორედ ის არის, რაც საჭიროა ახალი სამსახურის საპოვნელად, შესანიშნავი წვეულების მოსაწყობად ან სხვისი კონფლიქტის მოგვარებაში შუამავლის როლის შესასრულებლად. თუ თქვენს გარემოცვაში არის საწორი, შეგიძლიათ ყოველთვის გქონდეთ მისი დიპლომატიური და სოციალური უნარების იმედი.

მორიელი

ზოდიაქოს ამ ნიშნის წარმომადგენლები, ფლობენ ნებისმიერი სიტუაციაში გადარჩენის ჭეშმარიტად უნიკალურ უნარს. მაშინაც კი, თუ მათ გარშემო სრული ქაოსია, მოულოდნელად სამსახურიდან გაათავისუფლეს, პარტნიორი დაშორდათ ან ახლობელი ადამიანი დაკარგეს - ის ყველაფერს გააკეთებს იმისათვის, რომ სიტუაციიდან გამოძვრეს, თან ისე, რომ უკან არასოდეს მიიხედავს. ამ ადამიანების ყველაზე ძლიერი მხარე არის მაღალი მოტივაცია და ცხოვრებისგან მაქსიმუმის „გამოწურვის“ დაუოკებელი სურვილი. ისინი არასოდეს ცხოვრობენ გარემოებების მიერ ნაკარნახევის შესაბამისად. 

მშვილდოსანი

ამ ადამიანებს სიმამაცეში ბადალი არ ჰყავთ. მშვიდლოსნები მიდრეკილი არიან რისკისკენ. თუ ვინმეს გადარჩენა, სწრაფი გადაწყვეტილების მიღება ან რაიმე მსხვრეპლის გაღებაა საჭირო, დარწმუნებული იყავით, რომ მშვილდოსანი წარბშეუხრელად გააკეთებს ყველაფერს. თუმცა, ამას გააკეთებს იმიტომ, რომ ასე სწორია და არა იმიტომ, რომ დიდების და აღიარების მოპოვება სურს. გარდა ამისა, მსგავსი აქტივობისგან, თავადაც არანაკლებ სიამოვნებას იღებს. 

თხის რქა

ესენი არიან ადამიანები, რომლებიც გარემო პირობების ზეწოლისას საუკეთესოდ ახერხებენ საკუთარი თავის მართვას. შინაგანი პოტენციალის სრულად რეალიზებისთვის, მათ ერთდროულად რამოდენიმე პროექტზე ფიქრი სჭირდებათ, ამასთან, არ ივიწყებენ შესრულების ვადებსა და დამკვეთის მოთხოვნებს. ჩვეულებრივი საქმიანობა მათთვის მოსაწყენია, ამიტომ, როცა საჭიროა ერთკვირიანი საქმის ორ დღეში დასრულება - სწორედ აქ ავლენენ საკუთარ თავს შეუდარებლად. სიტუაციებში, რომლებსაც ნებისმიერი სხვა ადამიანის ნერვულ აფეთქებამდე მიყვანა შეუძლია, თხის რქას აქვს უნარი, დაიხარჯოს ბოლომდე და კიდევ ერთხელ გამოვალინოს თავისი შეუფასებელი უნარები. 

მერწყული

ზოდიაქოს ეს ნიშანი, ისე როგორც არცერთი სხვა, განმუხტავს ემოციურად დაძაბულ ვითარებებს, კამათს, ოჯახურ და ფინანსურ პრობლემებს. მერწყულებმა კარგად იციან, რომ ასეთი სიტუაციები დროებითია და სასოწარკვეთის საბაბი არ უნდა გახდეს. ისინი თვლიან, რომ უსიამოვნებებს უბრალოდ ზურგი უნდა შეაქციო და კარგად გაერთო. მათი ოპტიმიზმი იმდენად გადამდებია, რომ გარშემო ყველა „ინფიცირდება“. თუ თქვენს გარემოცვაში არის მერწყული, ის შეიძლება ნამდვილად გახდეს თქვენი სტრესის „წამალი“.

თევზები

განვითარებული ინტუიცია ზოდიაქოს ამ ნიშნის წარმომადგენლების ყველაზე ძლიერი მხარეა. თევზები გაცილებით ადრე გრძნობენ ვითარების მოსალოდნელ ცვლილებებს, ვიდრე სხვები, თან მზადებასაც მაშინვე იწყებენ. ინტუცია მათ კარნახობს თუ როდის სჯობს სამსახურის გამოცვლა, წარუმატებელი ურთიერთობების ზურგსუკან დატოვება ან თუნდაც საცხოვრებელი ადგილის შეცვლა. თევზებს სჯერა იმის, რომ ხვალინდელი დღე, დღევანდელზე უკეთესი იქნება - და ამაში ყოველთვის მართლები არიან.