ფინანსური ჰოროსკოპი
ლომებს დეკემბრის დასაწყისში შესაძლოა კარგი პერიოდი ჰქონდეთ ადრე დაწყებული პროექტების საბოლოოდ დასრულებისთვის. შეეცადეთ ენერგიის კონცენტრირება მოახდინოთ იმ საქმეებზე, რომელთა დასრულება შესაძლებელი იქნება თვის პირველ ნახევარში. სწორად და დაბალანსებულად გადაანაწილეთ დრო და ფიზიკური ძალები. განსაკუთრებით კარგი პერიოდი ელით უძრავი ქონების, სამშენებლო და კომუნალური მეურნეობის სფეროში დასაქმებულებს. დეველოპერები შეძლებენ დროულად და უხარვეზოდ ჩააბარონ დამკვეთს დასრულებული პროექტი. გაიზრდება საოჯახო ბიზნესის შემოსავალიც. თვის შუა ნაწილი და მეორე ნახევარი შესაძლოა დაკავშირებული იყოს ფინანსურ არასტაბილურობასთან. მოერიდეთ ფინანსური სახსრების დაბანდების აზარტულ სურვილს - მოკლე დროში დიდი თანხის გამომუშავების იდეა არ გაამართლებს. ამ პერიოდში არ ისესხოთ და არ გაასესხოთ თანხა. ნუ გექნებათ გამართლების იმედი - ამით გეგმებს დააზიანებთ. ყველაფერი თავად აკონტროლეთ და მაქსიმალურად მიიყვანეთ ბოლომდე. ყველაზე სწორი ტაქტიკა ამ თვეში იქნება იმის კეთება, რაც ყველაზე კარგად იცით და გამოგდით.
