როგორ ფიქრობთ, რა არის ტყუპების მთავარი პლიუსები?
-ოპტიმიზმი
-გატაცება
- ცხოვრების მიმართ ინტერესი
-აქტიურობა
-იუმორის გრძნობა
იმის მიუხედავად, რომ ტყუპები სიცოცხლისმოყვარე ზოდიაქოს ნიშანია, და ადამიანებს მათთან ურთიერთობა სურთ, ისინი მათ ენდობიან და გულს გადაუშლიან, ურთიერთობებში პრობლემები მაინც ჩნდება.
ზოგჯერ, ისინი ადამიანებში ცდებიან, თუმცა მზად არიან, რომ აბსოლუტურად ყველას დაეხმარონ ურთიერთობებში, გაარკვიონ სიტუაცია, ნახონ პრობლემები და მათი გადაწყვეტილებები, თუმცა თავის ურთიერთობებში მარცხს განიცდიან.
ეს შეიძლება არა კონკრეტულად ხასიათს, არამედ, მთლიანობაში, გადაწყვეტილებებსაც ეხებოდეს. დღეს ტყუპები ერთს ფიქრობენ და გრძნობენ, ხვალ- მეორეს. რა თქმა უნდა, იდეალური იქნება, თუ ისინი შეხვდებიან მეორე ნახევარს, რომელიც მზად იქნება ამ ცვლილებებისთვის, ხოლო თუ არა, პრობლემები გარდაუვალია. ბევრს ასეთ ცვალებად შეხედულებებთან შეგუება უჭირს, ამიტომაც დგება კრიზისული მომენტები.
სხვა ნიშნების ურთიერთობების უმეტესობა გარკვეულ სტადიებს გადის, შეყვარება- ვნება- კამათი- ჰარმონია და ა.შ. ტყუპები კი, როდესაც ემოციებს კარგავენ და სიმშვიდის სტადიაში გადადიან, ყოველთვის იკარგებიან, მათ ცხოვრების ჩვეულებრივი სტილი არ აწყობთ, ამიტომაც ისევ თავქუდმოგლეჯილი ეძებენ ახალ შთაბეჭდილებებს, ამისთვის ახალ პირობებს ქმნიან.
იმ სტადიაზე, როდესაც ურთიერთობები სერიოზული ხდება და ბევრი იწყებს რუტინასთან ბრძოლას, ტყუპები უბრალოდ გარბიან. ისინი არ არიან პრობლემებს მიჩვეული. სახლის საქმეების გადადება შეიძლება, თუ რამე უფრო საინტერესო არსებობს, მაგრამ ყველა ასეთი ცხოვრების სტილს ვერ ეგუება.
თუ იცნობთ ტყუპებს, ადვილად შეამჩნევთ, რამდენად ცვალებადი და თავქარიანი არიან ზოგიერთ საკითხში. ამიტომაც, პასუხისმგებლობას მხოლოდ იმაზე იღებენ, რისთვისაც მზად არიან, რომ აიღონ. ეს საკითხი ამ ნიშნისთვის ძალიან სერიოზულია, გულის სიღრმეში ეს ადამიანები ძალიან პასუხისმგებელი და გაცნობიერებული არიან, მაგრამ ამას არ აჩვენებენ. პარტნიორები ურთიერთობებში ასეთ პოზიციას ხშირად ეწინააღმდეგებიან.
