ყველა ადამიანი განსხვავებულია. ერთს ძალიან ბევრი დრო სჭირდება, რომ შეუყვარდეს, ხოლო მეორეს ერთი ნახვით უყვარდება.
თითოეულ ჩვენგანს საკუთარი სტილი გვაქვს. ზოგიერთი მაშინვე იწყებს ურთიერთობას და ფლირტს მისთვის საინტერესო ადამიანთან, ხოლო სხვები დიდხანს ფიქრობენ და პირველი ნაბიჯის გადადგმის რცხვენიათ. რომელი ზოდიაქოს ნიშნები არიან მუდმივად შეყვარებული?
კუროს აბსოლუტურად ყველაფერი უყვარს, რაც სიყვარულთან არის დაკავშირებული, და მზადაა, თავისი გული ძალიან სწრაფად მიუძღვნას მას. სიმართლე რომ ვთქვათ, კუროზე შთაბეჭდილების მოხდენა საკმაოდ მარტივია. ამ ზოდიაქოს ნიშანს ზოგჯერ იმდენად სწრაფად უყვარდება, რომ დაფიქრებასაც ვერ ასწრებს მანამ, სანამ იმპულსურ და არც ისე გონივრულ ნაბიჯებს გადადგამს.
ტყუპები ძალიან სოციალურები არიან. ისინი ადამიანების დიდ რაოდენობასთან მუდმივად ურთიერთობენ და ყოველთვის ყველაფერი ახლისთვის და უცნობისთვის ღია არიან. ტყუპები ძალიან არამუდმივები არიან, ძალიან მალე კარგავენ ინტერესს და ახალი ადამიანებით არიან გატაცებული. სწორედ ეს თვისება ხდის მათ იმ ადამიანებად, რომლებსაც მუდმივად ვიღაც უყვართ. ტყუპები თავის შეყვარებულობას არასდროს არ გამოაშკარავებენ. ეს ზოდიაქოს ნიშანი ყველაფერს მოიმოქმედებს, რომ მისთვის საინტერესო ადამიანს ეჭვი არ შეეპაროს. ტყუპებს ძალიან ხშირად მიუწვდომელი ადამიანები უყვარდებათ, თანაც- ძალიან. მაგრამ ეს ადამიანები, ალბათ, ვერასდროს გაიგებენ ამის შესახებ.
მორიელი თავის მეორე ნახევარს მუდმივად ეძებს. მას ხანგრძლივი, ღრმა და ნამდვილი სიყვარული უნდა. ზოგჯერ ამ ნიშანს მოთმინება არ ყოფნის, ამიტომაც ძალიან ხშირად უყვარდება. მორიელს თავისი გრძნობების ახსნა და პირველი ნაბიჯების გადადგმა არ უჭირს. თუმცა მინუსი ისაა, რომ როგორც კი ამას გააკეთებს, შეიძლება ძალიან ინანოს.
თევზები- ყველა ზოდიაქოს ნიშანს შორის ყველაზე მეოცნებე ნიშანია. ისინი სიყვარულზე მუდმივად ფიქრობენ და წარმოიდგენენ, როგორ და რა შეიძლებოდა მომხდარიყო, სიტუაციებს და წარმოუდგენელ რომანებს იგონებენ. თევზები ფანტაზიების სამყაროში ცხოვრობენ. ალბათ, ეს ზოდიაქოს ნიშანი ძილის წინ იმაზე ოცნებობს, ვინც მას ძალიან მოეწონა.
