რა უნდა გააკეთოთ, თუ კირჩხიბი შეგიყვარდებათ

სიყვარული სერიოზული საქმეა. ზოდიაქოს სხვადასხვა ნიშნის წარმომადგენლებს აქვთ საკუთარი შეხედულებები სიყვარულზე, თუ როგორ გამოხატონ ის და როგორ მიიღონ სხვისგან.

ჩვენს სტატიაში წაიკითხავთ იმის შესახებ, თუ როგორ უნდა აუხსნათ სიყვარული კირჩხიბს ისე, რომ ზიანი არ მიაყენოთ არც მას და არც საკუთარ თავს.

არ იჩქაროთ

კირჩხიბი ჩვეულებრივ მოღუშულ კიბორჩხალას ჰგავს: ის იმალება ჯავშანში და ცდილობს თავი დაიცვას ემოციური ზეგავლენისგან. ამიტომ, თუ შეგიყვარდებათ, არ უნდა იჩქაროთ. შეისწავლეთ მისი ბუნება, დაიწყეთ თითქმის შეუმჩნეველი (თავიდან) ნაბიჯების გადადგმა მარტივად და ფრთხილად. თუ ზედმეტად იაქტიურებთ, გარისკავთ კირჩხიბის დაკარგვით (ყოველ შემთხვევაში, უახლოეს მომავალში).

მეტი რომანტიკა

კირჩხიბები საშინელი რომანტიკოსები არიან. ამიტომ, თუ გსურთ მათი გულის მოგება - უმღერეთ სერენადები, წაუკითხეთ ლექსები და გაუკეთეთ საჩუქრები. არანაირი უხეშობა - მეტი მანერები, თავაზიანი დამოკიდებულება და რეალური გრძნობები. ოღონდ ნაზი, რომანტიული გზით: გახსოვდეთ, რომ კირჩხიბები ვერ იტანენ აჩქარებას და ზეწოლას.

საიმედოობა

კირჩხიბი ძალიან მგრძნობიარე და ცვალებადია. მას სჭირდება ძლიერი დასაყრდენი და მხარდაჭერა, ვინც ამას გაუწევს, შეუძლია დიდი ხნის განმავლობაში დაიპყროს მისი გული. ამიტომ, თუ თქვენ გაქვთ შესაძლებლობა, შესთავაზეთ დახმარება, ფინანსური დახმარება (თავიდან უარს იტყვიან, მაგრამ გაითვალისწინებენ), გართობა და რაც მთავარია, საიმედო ურთიერთობა.

ინიციატივები

კირჩხიბებისგან ინიციატივას ნუ დაელოდებით, აიღეთ სიტუაცია თქვენს ხელში: მიწერეთ, დაურეკეთ, დაუნიშნეთ პაემნები - თუმცა, აკვიატებისა და ზეწოლის გარეშე. ზოგადად კირჩხიბზე შეყვარებულებს წონასწორობის პოვნა სჭირდებათ – ის კი აუცილებლად დატოვებს თავის ნაჭუჭს და თქვენს მკლავებში აღმოჩნდება.