სიზმრების ახსნა
დაგესიზმრათ ტილი
მილერის მიხედვით
ტილის ნახვა ბევრ სევდასა და დარდს ნიშნავს. ხშირად, ეს ცუდ ჯანმრთელობასაც გულისხმობს. საქონელს გაუჩნდა ტილები- ეს შიმშილსა და დანაკარგს მოასწავებს. თავის სხეულზე ტილის ნახვა ნიშნავს, რომ თქვენს ძველ ნაცნობებს არაკორექტულად მოიქცევით . სიზმარში ტილი დაიჭირეთ- ავადმყოფობას ნიშნავს, რომელსაც ზედმეტად დიდ მნიშვნელობას მიანიჭებთ. ტილები ყოველთვის მოასწავებენ განცდებს, რომლებიც ჯანმრთელობასა ან მტრების შემოტევასთან არის დაკავშირებული .
რატომ გვესიზმრება ტილები
მილერის მიხედვით
ტილები არასასიამოვნო მცირე პარაზიტები არიან და ჯანმრთელობის სხვადასხვა პრობლემის წარმოშობას, ასევე რამე შერყევას, დრამას ნიშნავენ. თუ სიზმარში ტილები საქონელს გაუჩნდა, დანაკარგს ელოდეთ; თუ სიზმრის მნახველმა ისინი თავის სხეულზე აღმოაჩინა - ეს ძველ მეგობრებთან მისი უხეში ქცევის გამო კამათს მოასწავებს. ტილების დაჭერა- მღელვარება ავადმყოფობის გამო , რომელიც სიზმრიდან მალევე დაგემართებათ.
რატომ გვესიზმრება ტილები
ფროიდის მიხედვით
ცნობილი ფსიქოანალიტიკოსი ტილებს ინტიმური ურთიერთობების გაუმჯობესებას უკავშირებდა. თუ სიზმარში ანადგურებთ პარაზიტებს, მაშინ აქამდე პროზაიკული სექსუალური ცხოვრება ახალ ფერებს შეიძენს. თუ სექსუალური ცხოვრება არ გქონდათ, ის გაჩნდება. პირველ შემთხვევაში, შეიძლება ორი სცენარი იყოს: ან თქვენი პარტნიორი ფანტაზიის გამოვლენას დაიწყებს, ან იპოვით შეყვარებულს, რომელიც ხანგრძლივ სიამოვნებას განიჭებთ.
ტილები
ისლამური ახსნის მიხედვით
სიზმრების აღმოსავლური ახსნით, ტილები ვალების, ფულთან დაკავშირებული სირთულეების ნიშანია. თუმცა, სიზმრების ისლამურ ახსნაში საპირისპირო განმარტებაც გვხვდება: მაგალითად, თუ ტილები სხეულიდან ცვივა- ეს სიმდიდრის ნიშანია. დიდი რაოდენობით მწერები არასასიამოვნო მოვლენებს მოასწავებენ: სიღარიბეს, ტანჯვას, ავადმყოფობას, დანაკარგს. თუმცა, თუ სიზმრის მნახველი მათ ნებისმიერი გზით მოსპობს, ეს პრობლემები მას არ ექნება. თუ სიზმარში ტილები გკბენთ, ეს მშიშარა ადამიანებს ნიშნავს, რომლებიც თქვენს შეურაცხყოფას ცდილობენ. იმისთვის რომ ეს არ დაუშვათ, უნდა შეეწინააღმდეგოთ მათ.
ტილები
ლოფას მიხედვით
ამ ახსნაში ტილები სხვადასხვა მასშტაბის გაუგებრობებს განასახიერებენ. სიზმარში მათი საკუთარ სხეულზე ნახვა- თქვენ თვითონ ქმნით პრობლემებს , ტკივილს აყენებთ გარშემომყოფებს, ან გულს სტკენთ მათ. ასეთი სიზმრის შემდეგ თქვენს ქცევას უნდა გადახედოთ, თქვენი ქმედებები უნდა გააანალიზოთ. სიზმარში პარაზიტების დაჭერა შეიძლება ავადმყოფობაზე, ან ინფექციურ დაავადებაზე მიანიშნებდეს. თუ ნახეთ სიუჟეტი ტილების შესახებ მნიშვნელოვანი საქმის დასრულების წინ, ამას კარგი მნიშვნელობა ექნება, ეს შემოსავლის და იღბლის მომასწავებელია.
ტილები
ეზოთერიკული ახსნის მიხედვით
ამ სწავლების მიმდევრები თვლიან, რომ სიზმარში ამ მწერების ნახვა კეთილდღეობისა და მოგების ნიშანია.
ტილები
ცვეტკოვის მიხედვით
ტილები და ჭიები ( მათი კვერცხები) სტაბილურ ფინანსურ მდგომარეობას, ბარაქას გამოხატავენ. მხოლოდ ჭიები- მოხერხებულ შემთხვევას შემოსავლის გაზრდისთვის. ტილების ნახვა სხვა ადამიანზე- საქმეებში დადებით შედეგს, ხოლო თავის თავზე- იმედგაცრუებას ნიშნავს.
ტილების შესახებ სიზმრების ახსნა
ვანგას მიხედვით
ვანგა თვლიდა, რომ ტილები სიზმარში დაკავშირებულია ფულთან, მატერიალურ კეთილდღეობასთან. ასე, თუ თავიდან ჩამოფერთხეთ ისინი - ეს წარმატებულ ფინანსურ ოპერაციას მოასწავებს. ტილის გაჭყლეტა- კეთილდღეობა, ვალებისგან გათავისუფლება. ერთი დიდი შავი ტილი ასევე მოგებას , ხოლო თეთრი- დანაკარგს, ზიანს მოასწავებს. დიდი რაოდენობით მწერები ჯანმრთელობის გაუარესებას მოასწავებენ.
ტილების შესახებ სიზმრების ახსნა
ნოსტრადამუსის მიხედვით
სიზმრებს ტილების შესახებ ფრანგი ალქიმიკოსი განმარტავდა როგორც კარგ ნიშანს, რომელიც საქმიან სფეროში წარმატებას, სტაბილურ მატერიალურ მდგომარეობასა და ოჯახურ სიმყუდროვეს მოასწავებდა. დიდი ზომის მწერები შეიძლება იყვნენ სიგნალი, რომ სიზმრის მნახველს სერიოზული გარიგებები ელოდება. განსაკუთრებით დიდი ტილები სანუკვარი სურვილის განხორციელებას ნიშნავს. ტილების მოკვლა- სახლში ბარაქას, ოჯახურ ბედნიერებას ნიშნავს. თუმცა, თუ დაგესიზმრებათ შავი ფერის მწერები, ეს შეიძლება სიზმრის მნახველის ან მისი ახლობლების ავადმყოფობაზე მიანიშნებდეს.