სიზმრების ახსნა
გარდაცვლილი ნათესავების შესახებ სიზმრების ახსნა
ოჯახური ახსნის მიხედვით
როდესაც სიზმარში გარდაცვლილი მხიარული, ბედნიერი ჩანს, რეალობაში გარემოცვაში არსებობენ მზაკვარი, მატყუარა ადამიანები. უფრო ფრთხილად და ფხიზლად უნდა იყოთ, რათა საკუთარი რეპუტაცია შეინარჩუნოთ. ყურადღებით უნდა მოეპყროთ ამას, ზედმეტად არ გაამხილოთ თქვენი გეგმები და საიდუმლოები. თუ სიუჟეტში რამდენიმე გაცოცხლებული გარდაცვლილი ნახეთ კარგ განწყობაზე, მალე ვინმე ახლო ადამიანი გიღალატებთ ან მოგატყუებთ- ფრთხილად იყავით. როდესაც გარდაცვლილი გაშინებთ, შიშს, შფოთს გრძნობთ, ეს ცუდი ნიშანია. ალბათ, უიღბლობა გეწვევათ. როდესაც სიზმარში დიდი ხნის წინ გარდაცვლილი ადამიანი კარგ განწყობაზე ნახეთ, თანაც ის რჩევებს , რეკომენდაციებს იძლევა- აუცილებლად დაიმახსოვრეთ ისინი. სწორედ ეს სიტყვები დაგეხმარებათ სულიერ მღელვარებასთან, ეჭვებთან გამკლავებაში, სხვადასხვა სადავო სიტუაციის დარეგულირებასა და სირთულეების გადალახვაში. შესაძლოა, ეს იმის ნიშანია, რომ ადამიანმა გზა დაკარგა, ამიტომაც ახლო ადამიანი სწორ გზაზე დადგომაში ეხმარება- არ უკუაგდოთ მიღებული რჩევა. თუ ესაუბრეთ გარდაცვლილს, რეალობაში ახალი ნაცნობები, დადებითი ცვლილებები გელოდებათ. მაგრამ უფრო ზუსტი ახსნისთვის, თუ კონკრეტულად რომელი მოვლენები მოხდება, აუცილებელია, სიზმრის სხვა დეტალებიც გაიხსენოთ და სიზმრის ახსნის მნიშვნელობებით შეავსოთ სურათი. თუ გარდაცვლილი თქვენს სახლში სტუმრის სახით გამოჩნდა- ეს მძიმე პასუხისმგებლობის მომასწავებელია. თქვენს მხრებზე მძიმე ტვირთია- ვიღაც ელოდება ქმედებებს, გადაწყვეტილებებს და ქცევებს, რომლებიც სერიოზულ ძალისხმევას მოითხოვს. შესაძლოა, ეს დახმარება რომელიმე თქვენს მეგობარს და ახლობელს სჭირდება, ამიტომაც მაქსიმალური ძალისხმევა უნდა დაატანოთ, თუნდაც ეს ტვირთი თქვენთვის მძიმე იყოს. გულმოდგინე მცდელობისას და გამბედაობისას, შეიძლება მნიშვნელოვანი მხარდაჭერა უზრუნველყოთ.
დაგესიზმრათ , რომ გარდაცვლილი ნათესავები ცოცხლები არიან, რას ნიშნავს ეს?
სიზმრების ზოგადი ახსნა
სიზმარი, რომელშიც გარდაცვლილი ნათესავი ცოცხალი ხდება, არასასიამოვნო შთაბეჭდილებას ტოვებს. ადამიანთა უმეტესობა ასეთ სიზმრებს კოშმარად მიიჩნევს, ცდილობს, მალე დაივიწყოს ნანახი სიუჟეტი და არასდროს დაუბრუნდეს მას. ზოგიერთი თვლის, რომ გარდაცვლილები მხოლოდ ზებუნებრივი მიზეზით გვესიზმრებიან, მაგალითად, იმისთვის რომ საიქიოში წაგვიყვანონ. ეს ნაწილობრივ სიმართლეა- გარდაცვლილი ადამიანები უმიზეზოდ არ გვესიზმრებიან. მაგრამ ეს არ ნიშნავს, რომ ასეთი სიუჟეტი მხოლოდ ნეგატიურ მოვლენებს მოასწავებს. იმისთვის რომ სწორად ამოვიცნოთ აზრი, სიზმრის ყველა დეტალი და მოვლენა უნდა გავიხსენოთ. იმისთვის რომ არ დაგვავიწყდეს, ჯობია ყველაფერი ჩაიწეროთ, და შემდეგ დაუბრუნდეთ ამოცნობას. სავსებით ნორმალურია, რომ სიზმარში ნანახი გარდაცვლილები, რომლებიც ცოცხლები არიან, შიშს იწვევენ. არსებობს აზრი, რომ ეს უბრალოდ გზავნილია, შესაძლოა, გაფრთხილებაც- თქვენს გარდაცვლილ ნათესავებს რაღაცის შეტყობინება უნდათ. თანაც, ეს შეტყობინება ახლაა თქვენთვის მნიშვნელოვანი. წინასწარ ნუ მოემზადებით ნეგატიური მოვლენებისთვის, რადგან ჯერ კიდევ ძველი დროიდან გარდაცვლილ ახლობლებს მძინარე ადამიანის მცველებად თვლიდნენ. სწორედ სიზმარში მათ შეიძლება გაგაფრთხილონ მოსალოდნელი უბედურების შესახებ. მაშინვე ნუ შეშინდებით- ჯობია, მცირე დეტალები გაიხსენოთ, რათა სწორად ახსნათ ნანახი.
დაგესიზმრათ გაცოცხლება
მილერის მიხედვით
სიზმარში იმის ნახვა, რომ სიცოცხლე დაგიბრუნდათ, ნიშნავს, რომ მძიმე დანაკარგს განიცდით, მაგრამ, ბოლოს და ბოლოს, იმაზე მეტს მიიღებთ, ვიდრე დაკარგეთ, და ბედნიერება გეწვევათ. სხვა ადამიანისთვის სიცოცხლის დაბრუნება ნიშნავს, რომ ახალ მეგობრულ კავშირებს დაამყარებთ, რომლებიც აგამაღლებთ და სიხარულს მოგიტანთ.
დაგესიზმრათ სანთელი
მილერის მიხედვით
სიზმარში დანთებული სანთლის ნახვა ნიშნავს, რომ სასიამოვნო შემთხვევა ძველ მეგობრებთან დაგაახლოებთ. ეს სიზმარი შეიძლება ახალ შესაძლებლობებსა და შეხვედრებს მოასწავებდეს, რომლებიც თქვენი საქმისთვის სასარგებლო იქნება. სიზმარში რამდენიმე სანთლის ნახვა, რომლებიც კაშკაშა სუფთა ალით იწვის, ბედნიერებასა და ურთიერთგაგებას მოასწავებს. თუ ორპირი აქრობს სანთელს- თქვენ ირგვლივ ჭორები გაცოცხლდება. სიზმარში სანთლის ჩაქრობა- უბედური მოვლენებისკენ.
დაგესიზმრათ სასანთლე
მილერის მიხედვით
სასანთლის ნახვა მთლიანი სანთლით თქვენთვის ბრწყინვალე მომავალს ნიშნავს: შესანიშნავ ჯანმრთელობას, ბედნიერებას და მოსიყვარულე თანამგზავრებს. თუ სასანთლე ცარიელია, ბედი ცოტა ხნით ზურგს გაქცევთ.
რას ნიშნავს, თუ დაგესიზმრათ გარდაცვლილი ნათესავები როგორც ცოცხლები?
ვანგას მიხედვით
ბულგარელი წინასწარმეტყველის აზრით, გარდაცვლილი ნათესავები არის გაფრთხილება უბედური შემთხვევის ან ახლობლების ავადმყოფობის შესახებ. თუ გარდაცვლილი ვინმეს ჩაეხუტა, მალე მოხდება როგორც კარგი, ისე ცუდი ცვლილებები. თუ სიზმარში გარდაცვლილი ისევ კვდება, რეალობაში ვინმე ახლობლისგან ღალატი გელოდებათ. ეს თავისებური გაფრთხილებაა მტრის მხრიდან ცილისწამების შესახებ .
რატომ გვესიზმრება გაცოცხლება
ცვეტკოვის მიხედვით
ძველი საზრუნავის დაბრუნება.
რატომ გვესიზმრება სანთელი
ცვეტკოვის მიხედვით
ანთებული- იღბალი უიმედო საქმეში; არ არის დანთებული- სევდა; ცვილის სანთლის ანთება- ავადმყოფობა; კაშკაშად იწვის- წარმატება; ნათლად იწვის ( ავადმყოფებისთვის)- გამოჯანმრთელება.
რატომ გვესიზმრება სიზმარი სანთლის შესახებ
ვანგას მიხედვით
სიზმარში ანთებული სანთლის ნახვა კარგი ნიშანია. ასეთი სიზმარი დიდი ხნის ნანატრ სიმშვიდეს და მთელ პლანეტაზე მშვიდობას მოასწავებს. ადამიანები მშვიდად იცხოვრებენ და არ იქნებიან არც მმართველები, არც ცუდი ადამიანები, არც ღარიბები და არც მდიდრები. სიზმარში ფანჯარაში სანთლის შუქის ნახვა იმის მოწმობაა, რომ უმაღლესი ძალები გფარველობენ, რომლებიც ნებისმიერ, ყველაზე რთულ ამოცანებთან გამკლავებაში დაგეხმარებიან. რეალურ ცხოვრებაში ეს მფარველობა ძალიან გავლენიანი ადამიანის სახით გამოვლინდება, რომელიც დაუღალავად აკვირდება ყველა თქვენს ქმედებასა და ქცევას, თუმცა შესაძლებელია, რომ მისი არსებობის შესახებ არც იცოდეთ. თუ სიზმარში, ყველა მცდელობის მიუხედავად, ვერ ანთებთ სანთელს, მაშინ, სამწუხაროდ, რეალურ ცხოვრებაში ადამიანის სიკვდილის მიზეზი გახდებით. ზოგჯერ ასეთი სიზმარი მეტყველებს იმაზე, რომ ვერ უშლით ხელს საშინელი დანაშაულის ჩადენას, რომლის შედეგადაც ადამიანი დაიღუპება. სიზმარში სანთლის ჩაქრობა ცუდი ამბის მომასწავებელია. თქვენ გაიგებთ თქვენთვის ახლო ადამიანის გარდაცვალების შესახებ და ძალიან ინანებთ იმის გამო, რომ მასთან ერთად ცხოვრების ბოლო საათები ვერ გაატარეთ. თუ დაგესიზმრათ, რომ სანთელი თქვენ თვალწინ ჩაქრა, მალე ავად გახდებით. შესაძლებელია, ეს სერიოზული დაავადება იქნება, რომლის თავიდან აცილებას ახლა შეძლებთ. სიზმარში ბევრი დაყრილი სანთლის ნახვა საშინელი წინასწარმეტყველებაა. დადგება დრო, როდესაც ხალხი ღმერთს ზურგს აქცევს, ის სასტიკი და დაუნდობელი გახდება, ახალ რელიგიას გამოიგონებს, რომელიც ძალადობასა და სიკვდილს ქადაგებს. ღმერთი განრისხდება და დედამიწაზე საშინელ ხანძარს წარმოშობს. თუ სიზმარში ნახეთ ბევრი ადამიანი, რომლებსაც ხელში სანთლები უჭირავთ, მალე ძველი პრობლემები დაგიბრუნდებათ, რომლებიც გადადეთ, რადგან ფიქრობდით, რომ ისინი აღარასდროს შეგახსენებდნენ თავს. ასეთი სიზმარი მეტყველებს იმაზე, რომ დაწყებული საქმე ყოველთვის ბოლომდე უნდა მიიყვანოთ.
რატომ გვესიზმრება ცვილი
ცვეტკოვის მიხედვით
ყვითელი- ტყუილი; თეთრი- ჯანმრთელობა; რბილი- დანაკარგი
სანთელი სიზმარში
ნოსტრადამუსის მიხედვით
სანთელი- რწმენის, სიმყუდროვის, რომანტიკის, გრძნობების, ასკეტიზმის სიმბოლოა. ღამით ფანჯარაში სანთლის შუქის ნახვა- ეს სიმბოლო ნიშნავს, რომ ასაკის მატებასთან ერთად არანაკლებ ეყვარებით და სასურველი იქნებით, ვიდრე ახალგაზრდობაში. გზაზე დაყრილი ცვილის სანთლების აღება უბედურების ნიშანია, რომელიც რელიგიის მომხრეების დევნასთან, მძიმე კლიმატის მქონე ადგილებში მათ გაგზავნასთან არის დაკავშირებული . ცაში ნათების ნახვა, რომელიც სანთლის შუქს ჰგავს,- მზად იყავით ნებისმიერი მოულოდნელობისთვის. როდესაც ახალ ცოდნას მიიღებთ, დაეხმარეთ მათ, ვისაც ის სჭირდება. პროცესიის ნახვა, რომელსაც ხელში სანთლები უჭირავს , იმის მომასწავებელია, რომ გაზაფხულზე უბედურება მოხდება, რომელსაც ბევრი სიცოცხლე შეეწირება, გლოვა იქნება გამოცხადებული. სანთლებით განათებულ ქუჩაზე სიარული იმის სიმბოლოა, რომ თქვენი სიყვარული ჯერ წინაა. საჩუქრად სასანთლის მიღება, რომელზეც უამრავი სანთელი ანთია იმის სიმბოლოა, რომ რთულ მომენტში თქვენი სულიერი მოძღვარი არ მიგატოვებთ და დაგეხმარებათ არა მხოლოდ თქვენი, არამედ ციური ენერგიის კონცენტრირებაში. მგლის ნახვა, რომლის თვალებშიც დანთებული სანთლები იწვის- თავი აარიდეთ ადამიანს, რომელმაც გამდიდრება და ნებისმიერ ფასად ხელისუფლებაში მოსვლა გადაწყვიტა , კეთილშობილების, რელიგიისა და ზნეობისთვის ბრძოლის ნიღბის ქვეშ. იმის ნახვა, რომ ქარი სანთლებს აქრობს- სიბოროტის ნიშანია, რომელიც ხელს უშლის განზრახვების განხორციელებას , რომლებიც სულიერი აღორძინებასა და განახლებასთან არის დაკავშირებული. სანთლის დანთების წარუმატებელი მცდელობები საშიშროების ნიშანია, რომელიც თითოეულ ნაბიჯზე თან მოგდევთ და ცუდ მომენტში მოულოდნელად გეწვევათ.
სიზმარი გარდაცვლილ ბებიასთან ან ბაბუასთან
ლონგოს მიხედვით
სიზმრებში გარდაცვლილ ბებიას ან ბაბუას თქვენი დაცვა უნდათ სირთულეებისა და უსიამოვნებებისგან, ამიტომაც რაღაცის შესახებ გაფრთხილებენ. ჩვეულებრივ, ბებია შეცდომებისგან გიცავთ, რომლებიც შეიძლება დაუშვათ. აქ ძალიან მნიშვნელოვანია საუბრის დეტალების გახსენება , რათა ყველაფერი გაიაზროთ და შესაბამის დასკვნამდე მიხვიდეთ. თუ შეგიძლიათ ასეთი სიზმრის მნიშვნელობის სწორი ახსნა, შესაძლოა, ჩაფიქრებული მოვლენები დაბრკოლებების გარეშე ჩაივლის. ხოლო ბაბუა შესაძლებელი პრობლემების, დაბრკოლებების შესახებ გაფრთხილებთ. თუ რეალობაში მათ გადალახვას შეძლებთ, სამსახურში წარმატება გელოდებათ.
სიზმარი გარდაცვლილ დედასთან
სიზმრების თანამედროვე ქალური ახსნის მიხედვით
დედა ყველაზე ახლო ადამიანია, ამიტომაც ხშირად ჩნდება სიზმარში იმისთვის, რომ თავისი შვილი გააფრთხილოს. ამ ნიშანს განსაკუთრებული ყურადღება მიაქციეთ- უახლოეს დროს ფრთხილად უნდა იყოთ. თუ დედა თქვენს სახლში ჩნდება, ესე იგი რეალობაში კეთილდღეობა გელოდებათ, ხოლო ბინაში სიმყუდროვე იქნება. თუ დედას ეჩხუბებით, რეალობაში შესაძლებელია ჯანმრთელობის პრობლემები. როდესაც ასეთი სიზმარი ახალგაზრდა გოგონას ესიზმრება, მალე ქალიშვილი ეყოლება.
სიზმარი გარდაცვლილ მამასთან ეზოთერიკული ახსნის მიხედვით
ეზოთერიკული ახსნით
სიზმარში გარდაცვლილი მამა დადებითის მომასწავებელია. პირველ რიგში, უფრო დამოუკიდებელი და პასუხისმგებელი გახდით. ამას გარდა, ეს არის იმის მტკიცება, რომ თქვენს გარემოცვაში მხოლოდ სანდო, დადებითი ადამიანები არიან, რომლებიც მხარს დაგიჭერენ. თუ ესაუბრებით მამას, როგორც ცოცხალს, შესაძლოა, რომ რეალობაში ვიღაცას თქვენი შურს. ასეთი სიუჟეტის კიდევ ერთი ახსნა- ოჯახში კეთილდღეობა გელოდებათ.
სიზმარში გარდაცვლილი ნათესავები არიან როგორც ცოცხლები
მილერის მიხედვით
სიზმარში ნახეთ გარდაცვლილი ადამიანები, რომლებიც ცოცხლები არიან- ეს არის გაფრთხილება საშიშროების შესახებ. უნდა მოუსმინოთ მიღებულ რჩევებს, რადგან ისინი სიმართლეს შეიცავენ, რომელიც თაობათა გამოცდილებით არის დამტკიცებული. გარდაცვლილი დედა სიზმარში თავის შვილებს ეწვევა მაშინ, როდესაც სიზმრის მნახველის ჯანმრთელობის გამო განიცდის- ალბათ, უნდა წახვიდეთ ექიმთან და თქვენი ჯანმრთელობის მდგომარეობას დააკვირდეთ. ხოლო გარდაცვლილი მამა მოსალოდნელი საშიშროების შესახებ გვაფრთხილებს. თუ სიზმარში ნათესავი კუბოდან დგება, რთული სიტუაციის პრევენციას ვერ მოახდენთ- უნდა შეეგუოთ.
სიზმრების ახსნა ნოსტრადამუსის მიხედვით
ნოსტრადამუსის მიხედვით
როდესაც გარდაცვლილი ნათესავები და მეგობრები სიზმრებში ცოცხლდებიან, საიქიოში , შესაძლოა, სიმშვიდე ვერ მოიპოვონ. უნდა წახვიდეთ ეკლესიაში და გადაუხადოთ პანაშვიდი , რათა ამას ხელი შეუწყოთ. თუ სიზმარში გარდაცვლილის ხმა გაიგონეთ, მაგრამ ის არ გინახავთ, რეალობაში მძიმე დაავადება გელოდებათ. დიდი ხნის წინ გარდაცვლილ ნათესავს ეხუტებოდით და კოცნიდით- ეს საკუთარი ეჭვიანობის, შიშების გადალახვას ნიშნავს.
სიზმრების ახსნა ფროიდის მიხედვით
ფროიდის მიხედვით
თითქმის ყველა სიზმარს ფროიდი ადამიანის სექსუალურ ენერგიას , განსაკუთრებით კი განუხორციელებულ სურვილებს უკავშირებს. გამონაკლისია სიზმრები გარდაცვლილი ნათესავების შესახებ - ამ შემთხვევაში აზრი სულ სხვაა. თუ ისინი სიზმარში ცოცხლები არიან, ხანგრძლივი ცხოვრება გექნებათ. განსაკუთრებით უნდა გახსოვდეთ ნათქვამი სიტყვები - ზოგიერთ შემთხვევაში ისინი წინასწარმეტყველურია.
სიზმრების დიდი თანამედროვე ახსნა
სიზმრების დიდი თანამედროვე ახსნის მიხედვით
როდესაც გარდაცვლილი ნათესავი ჩნდება სიზმარში, თქვენს ოჯახში ან ყოფაცხოვრებაში შესაძლებელია პრობლემები წარმოიშვას. ამავდროულად, მასთან კოცნა დღეგრძელობას გპირდებათ. თუ მხოლოდ შორიდან ნახეთ ის,- ამინდის ცვლილებაა მოსალოდნელი- ამ მომენტისთვის ეს ერთ-ერთი ყველაზე პოპულარული ახსნაა. მაგრამ სიზმრების მნიშვნელობების განსხვავებების მიუხედავად, არის ერთი სიუჟეტი, რომელსაც ყველა ერთნაირად განმარტავს. როდესაც გარდაცვლილებს თან მიჰყავხართ- ეს სიკვდილს მოასწავებს. მაგრამ თუ ისინი გეძახიან, და უარს ამბობთ, ესე იგი სინამდვილეში მაქსიმალური ძალისხმევა უნდა დაატანოთ , რომ უბედურება თავიდან აიცილოთ. სიკვდილის კიდევ ერთი მომასწავებელი- გარდაცვლილთან ერთად ერთ მაგიდასთან საერთო ტრაპეზა. იმისთვის რომ სულებმა არ შეგაწუხონ, არ დაივიწყოთ ისინი, მოუარეთ საფლავებს, დაუნთეთ სანთელი.
სიზმრის მნიშვნელობა სანთლის შესახებ
ფროიდის მიხედვით
სიზმარში სანთლის დანთება- საბოლოოდ მიიღებთ სექსისგან სიამოვნებას, რაზეც დიდი ხანია ოცნებობდით. იმისთვის რომ ეს ნამდვილად მოხდეს, ძალისხმევა უნდა დაატანოთ, და მხოლოდ პარტნიორს არ უნდა ენდოთ. თუ დაგესიზმრათ , რომ სათლების შუქზე ივახშმეთ, ნიშნავს, რომ სექსუალური კუთხით უფრო თავისუფალი უნდა გახდეთ . კარგია, თუ პარტნიორთან გაგიმართლებთ და ის ყურადღებიანი და გამგები აღმოჩნდება. მაგრამ ასეთი იღბალი სულაც არ არის გარანტირებული, ესე იგი , პირველ რიგში, საკუთარ ძალებს უნდა ენდოთ, და მერე ელოდოთ, რომ თქვენი სურვილები სწორად იქნება გაგებული. სიზმარში იმის ნახვა, თუ როგორ ცახცახებს სანთლის ალი- თქვენი სიყვარული დასასრულის პირასაა, რაც ზედმეტი გაღიზიანებისა და იმის მოთმენის სურვილის არქონის ბრალია, რაც უცნაური გეჩვენებათ. თუ დაგესიზმრათ, რომ ეკლესიაში ვინმეს ჯანმრთელობისთვის სათელი დაანთეთ, ნიშნავს, რომ ტყუილად ელოდებით მეგობრების მხარდაჭერას იმ სიტუაციაში, რომელშიც აღმოჩნდით. და აქ საქმე ის არ არის, რომ ყველა თქვენი ნათესავი მოღალატე და ეგოისტია; უბრალოდ, თითოეულს თავისი საზრუნავი აქვს.
სიზმრის მნიშვნელობა ცვილის შესახებ
ფროიდის მიხედვით
თუ დაგესიზმრათ ცვილი, ეს ნიშნავს, რომ რეალურ ცხოვრებაში რბილი ხასიათის მქონე ადამიანი ხართ და სხვის გავლენას ექვემდებარებით. ადვილად ასრულებთ პარტნიორის სურვილებს, თუნდაც ეს არ გინდოდეთ. ეს ყველაფერი ხდება იმიტომ, რომ მარტოდ დარჩენის გეშინიათ. ასეთი დამთმობლობა გავნებთ- თქვენთან ინტიმური ურთიერთობები მოსაბეზრებელი გახდება.